近排黄宗泽参演嘅

《飞虎之雷霆极战》

啱啱大结局

你哋有冇追呀？

一部戏完结

另一部新戏

就马上接档

上个礼拜《我知道你的秘密》

就开播咗！

今次黄宗泽喺里边

饰演嘅係一对双胞胎

冇错，佢一人要饰演

两个角色

呢部剧呢係讲

女主角顾初喺毕业实习期间

遇到黄宗泽饰演嘅

法医中心主检法医师陆北辰

陆北辰同时都喺

女主已逝嘅前男友

陆北深嘅双胞胎哥哥

围绕住佢哋

发生嘅一系列故事

呢部係一部悬疑剧

当中仲有“兄弟”

交手嘅对手戏

部戏开播虽然评分麻麻地

但大家都嘅讨论重点

係黄宗泽嘅演技

同埋佢颜值依然在线！

可乐君记得

其实早喺2013年

黄宗泽就喺一部剧里边

一人饰演过一对双胞胎

《好心作怪》大家仲记唔记得？

黄宗泽饰演嘅

姚日山、姚月山

同周丽淇做对手戏

哇，依家睇翻又真係好“嫩肉”咯

当中仲有三哥苗侨伟

饰演心狠手辣嘅方自力

万绮雯饰演佢嘅老婆唐善行

方自力有着心脏病

而姚日山係佢嘅主治医生

但係有日哥哥姚日山

因为意外过世

佢个心脏啱好捐赠畀

需要换心嘅方自力

自此之后方自力都改变咗性格

当初《好心作怪》都係好经典呀

对比翻Bosco新剧造型

好似多咗少少成熟感之外

又真係无点变

新剧同样有医疗、刑侦嘅元素

唔知会唔会有特别嘅发展呢？

除咗电视剧轮番上

Bosco近排喺

内地嘅活动都不断

早前都参加咗综艺节目

《各位游客请注意》

佢係同欧阳娜娜

一同登山果一part

喺里边都担任着

照顾大家嘅大佬形象

之前微博突然有个热搜

“对胡杏儿什么感觉”就係出自呢度！

佢因为玩真心话游戏

畀团友问咗个咁劲爆嘅问题

都过咗咁多年

D陈年旧事又攞翻出来讲

根本无必要咯

睇翻佢哋依家各自嘅发展好过啦

Bosco近年嚟参加嘅

内地综艺真係唔少

《时光的味道》、《奔跑吧》

等等都有佢嘅身影

好多人都话佢综艺感好好

以前佢喺TVB就超有观众缘

后来上咗《极限挑战》、《快本》

又笼络咗一大班fans

而且佢嘅普通话都越来越好

睇嚟佢都係要

专注于内地市场

不过佢人又型

又幽默风趣

观众缘又一直都咁好

都好难话唔中意咯

你哋话呢？